सामग्री खोज्नुहोस्

तोचिगी, जापान । गैर आवासीय नेपाली संघ तोचिगी क्षेत्रीय समितिले डोटीका विभिन्न भिद्यालयलाइ शैक्षिक सामाग्री वितरण गरेको छ । एनआरएनए तोचिगी क्षेत्रीय समितिका उप-संयोजक सन्तोष घिमिरेले विभिन्न बिद्यालयका ५० जना बिद्यार्थीहरुलाई शैक्षिक सामग्री वितरण गरेका हुन् ।

डोटी जिल्ला स्थित पूर्वीचौकी गाउँपालिकाका पवित्र आवासीय बिद्यालय, चैकोट आधारभुत बिद्यालय, दुर्गा माध्यमिक बिद्यालय, पदम मुक्तिनारायण बिद्यालय काँडामाण्डौ बिद्यालय, तेडी प्राथमिक बिद्यालय र बाजकोटी आधारभुतबिद्यालयका ५० जना बिद्यार्थीलाइ बिद्यालय सामग्रीहरु वितरण गरिएको तोचिगी क्षेत्रीय समितिका संयोजक मन्दिप क्षेत्रीले जानकारी दिए ।

उक्त कार्यक्रम डोटी जिल्ला रेडक्रस संगको सहकार्यमा सम्पन्न भएको थियो । कार्यक्रममा २ लाख बराबरको शैक्षिक सामग्री बितरण गरिएको एनआरएनए तोचिगीले जनाएको छ ।