सामग्री खोज्नुहोस्

टोकियो। बिहुँकोट समाज जापानको १८ औँ साधारणसभा सस्थाको बिधान संसोधन गर्दै टोकियोमा सम्पन्न भएको छ । २००८ मा टोकियोमा गठन भएको समाजले १८ औँ साधारण सभा सम्पन्न गरेको हो ।

बिहुँकोट समाज जापानका अध्यक्ष दिपक कडेंलको सभापतित्वमा सम्पन्न भएको उक्त कार्यक्रममा बोल्दै प्रमुख अतिथि एवं एनआरएनए जापानका अध्यक्ष नविन निऊरेले नेपालीहरु संख्या बढे संगै सबै संघ सस्थाको सामाजिक दायित्व पनि बढ्दै जाने बताए।

उपाध्यक्षद्वय फणिन्द्र शर्मा र टिकाराम कंडेलले समाजका हाल सम्मका गतिबिधि र भबिष्यमा गर्नुपर्ने कार्यहरुको बारेमा प्रकाश पारेका थिए। कार्यक्रममा कोषाध्यक्ष नारायण कडेलले आयव्यय विवरण र महासचिव घनश्याम कंडेलले प्रगति प्रतिबेदन प्रस्तुत गरेका थिए।

कार्यक्रममा बिहुँकोट समाज जापान कान्साई क्षेत्रीय समितीका अध्यक्ष बलबहादुर कंडेल क्षेत्री मुकेश, उपाध्यक्ष लक्ष्मण न्यौपाने, कुडुँले समाज जापानका अध्यक्ष रामप्रसाद आचार्य, बागलुङ्ग समाज जापानका उपाध्यक्ष गुरूप्रसाद सापकोटा , बिहुँकोट समाज जापानका सस्थांपक सदस्य अनन्त रिजाल, पूर्व अध्यक्ष अशोक शर्मा , सागरप्रसाद कंडेल, सह- सरंक्षक डिपी कंडेल, सरंक्षक दिपक सुबेदी लगायतले आफ्ना धारणाहरु ब्यक्त गरेका थिए।

साधारणसभाले बिधान शंसोधन समितिका संयोजक अशोक शर्माद्वारा प्रस्तुत गरीएको बिधान शंसोधन सहित पारित गरेको आयोजकले जानकारी दिएको छ। कार्यक्रममा लोक तथा दोहोरी गायक बिष्णु खत्रीको समेत सहभागिता रहेको थियो।

कार्यक्रममा संस्थाको दुइ कार्यकाल नेतृत्व गरेका संस्थापक अध्यक्ष ऋषिराम कंडेल र पूर्व अध्यक्ष सागरप्रसाद कंडेललाई दोसल्ला र सम्मानपत्रका साथ सम्मान समेत गरिएको आयोजकले बताएको छ।

त्यस्तै संस्थाको कान्तोउ क्षेत्रीय समिति तीन महिना भित्र गठन गर्ने गरी सहजीकरणका लागि पूर्व अध्यक्ष अशोक शर्माको नेतृत्वमा अध्यक्ष दिपक कंडेल र उपाध्यक्ष फणिन्द्र शर्मा सदस्य रहने गरी तिन सदस्यीय समिति समेत गठन गरिएको छ।

महासचिव घनश्याम कंडेलले संचालन गरेको कार्यक्रममा उपाध्यक्ष रामु कंडेलले स्वागत मन्तब्य ब्यक्त गरेका थिए।