सामग्री खोज्नुहोस्

टोकियो। बहुप्रतिक्षित नेपाली चलचित्र महाजात्रा टोकियोमा पनि प्रदर्शन हुने भएको छ। आन्भी एण्ड पिरो इन्टरटेन्टमेन्टको सहयोगमा सचिन आचार्यले जापान भित्र्याएको उक्त चलचित्र मार्च २३ तारिख टोकियोको नाकानो जेरो हलमा प्रदर्शन हुन लागेको हो।

चलचित्र महाजात्रा यसअघिका जात्रा र जात्रै जात्राको तेश्रो सिकुएल हो । चलचित्रमा जात्रा र जात्रै जात्राका अधिकांस कलाकारले अभिनय गरेका छन् भने यसपटक आकर्षणको केन्द्र हुन् हरिबंश आचार्य ।

आचार्यलाइ फिल्मको पोस्टरमा भिलेन लूक्समा प्रस्तुत गरिएता पनि उनको पात्रबारे केही खुलाइएको छैन।

जापानमा जात्रा र जात्रै जात्राले दर्शकको मान राम्रो संग जितेकाले महाजात्राले पनि दर्शकको माया पाउने बिश्वास गरिएको वितरकले जनाएको छ। ‘हामीले आइतवार फिल्म प्रदर्शन गर्ने सोंच बनाएका थियौं’ जापानमा महाजात्रा भित्र्याएका आचार्यले भने ‘तर आइतवार हाल नपाएकाले शनिवार राखिएको हो।’

महाजात्राले दर्शकको मन कत्तिको जित्छ त्यो भने प्रदर्शनका दिन थाह हुने आयोजकको भनाइ छ।