सामग्री खोज्नुहोस्

टोकियो । साहित्यकार तथा अनेसासका निवर्तमान अध्यक्ष हुन् प्रकाश पौडेल ‘माइला’ । चिवनमा जन्मिएका माइला अहिले जापानको खानागावा प्रिफेक्चरमा ब्यबसाय गर्छन । नेपालको मध्य पश्चिम क्षेत्रमा पर्ने चितवनमा दैनिक जीवनमा धेरै प्रयोग हुने साधन हो साइकल ।

बिद्यालय जाँदा होस् या किनमेल गर्न जाँदानै यहाका मानिसहरु साइकलकै प्रयोग गर्दछन । साइकल चड्दा कहिले चेन फ़ुस्किएर हात कालै हुन्छ त कहिले सल बेरिन्छ । हो माइलालाइ केही समय अघि यस्तै भयो । मिलमा सिरौला कुट्न जाँदा प्रेमिकाको सल साइकलमा बेरिएपछि उनले हालसालै नयाँ ‘साइकल’ बनाएका छन् ।

चितवनमा जन्मिए र हुर्किए पनि उनकी प्रेमिकाको सल साइकलमा बेरियो बेरिएन उनै माइलाले जानुन तर धेरैका सल, जो चितवन आसपासका क्षेत्रमा बेरिरहन्छन । हो तिनै दिनहु साइकलमा बेरिने कथाहरुको पोको हो माइलाले हालसालै बजारमा ल्याएको ‘साइकलमा’ ।

माइलाले लेखेका शब्दलाई पछिल्लो समयका चर्चित गायक तथा संगीतकार बसन्त थापाले संगीतमा ढालेका छन् । संगीतमा संधै नयाँ ‘बान्की’ पस्कने थापाले माइलाको साइकलमा पनि संगीतको मिठो धार लगाएका छन् ।

गीतमा साइकल, मिल, सल, चौलानी, पराल, भर्‍याङ्ग, कुलो, इनारजस्ता बिम्बहरुलाई माइलाले गाउँले प्रेमसँग जोडेका छन् । माइलाले जुन भावमा डुबेर गीतको सिर्जना गरेका छन् त्यही भावमा चुर्लुम्म डुबेका छन् संगीतकार बसन्त थापा, कोरियोग्राफर मौसम हिमाली अनि अभिनयमा सुधिर श्रेष्ठ र उषा उप्रेती पनि।

‘मैले स्कुले जीवनमा हामी सबैले भोगेका कुरालाई शब्दमा उतारेको हुँ’ क्योदाई न्यूज संग कुरा गर्दै गीतकार प्रकाश माइलाले भने ‘तराइ भेगमा धेरै प्रयोग हुने साइकल र त्यो साइकल संग जोडिएका भेगीय किस्साहरुलाई गीतमा उतार्ने प्रयास गरेको छु ।’

गीतको शब्द सिर्जना देखि संगीत र कोरियोग्राफी सकेर बजारमा सार्बजनिक हुँदा सम्म झन्डै २ वर्ष लागेको माइलाले बताए ।

सङ्गीतकार बसन्त थापाको युट्युब च्यानलमार्फत हालै सार्बजनिक भएको उक्त गीतको म्युजिक भिडियो यो समाचार तयार पार्दा सम्म झन्डै ८० हजार पटक हेरिएको छ।

गीतको म्युजिक भिडियोको छायांकन राजेश घिमिरेले गरेका हुन् । गीतमा संगीतकार स्वयम र महिला तर्फ अश्मिता अधिकारीले स्वर दिएका छन् ।

म्युजिक भिडियो हेर्न यो लिंक क्लिक गर्नुहोस ।

https://m.youtube.com/watch?v=eO-M3pDvfHc