सामग्री खोज्नुहोस्

टोकियो। जापानको इशिखावा प्रिफेक्चरमा भूकम्पमा परी मृत्यु हुनेको संख्या १२८ पुगेको छ। यसै महिनाको १ तारिख इशिखावा, निगाता र तोयामा प्रिफेक्चरमा ७ रेक्टर स्केलको भूकम्प गएको थियो।

भूकम्पले सबै भन्दा बढी क्षेती पुर्र्याएको इशिखावा प्रिफेक्चरमा अहिले सम्म १२८ जनाको मृत्यु भएको इशिखावा प्रिफेक्चरले जनाएको छ। भूकम्प पछि थुप्रै घरहरु भत्किएको र भत्किएका भवनमा फसेका व्यक्तिहरुको उद्दार कार्य जारी रहेको अधिकारीहरुले जनाएका छन्।

इशिकावा प्रिफेक्चरको वाजिमा शहरमा मात्रै ६९ जनाको मृत्यु भएको जापानी संचार माध्यमहरुले जनाएका छन् । त्यसैगरी आइतवार दिउसो सम्मको विवरण अनुसार सुजु शहरमा ३८, आनामिजु शहरमा ११, नानाओ शहरमा ५, शिगा र नोतो शहरमा २/२ जना र हाकुई शहरमा १ जनाको गरी हाल सम्म १२८ जनाको मृत्यु भएको हो।

भूकम्प पछि सम्पर्कबिहीन हुनेहरुको संख्या १९५ रहेको पनि अधिकारीहरुले जनाएका छन्।