सामग्री खोज्नुहोस्

टोकियो । टोकियोको हानेदा विमानस्थलमा जापान एयरलाइन्सको विमान एउटा सानो कोस्ट गार्ड विमानसँग ठोक्किदा ५ जनाको मृत्यु भएको छ ।

विमान धावनमार्गमा ठोक्किँदा तट रक्षकको विमानमा सवार ५ जनाको मृत्यु भएको जापानका यातायातमन्त्रीले जानकारी दिएका छन् ।

‘तट रक्षकको विमानका बारेमा कप्तान भागेको र ५ जनाको मृत्यु भएको पुष्टि भएको हामीलाई जानकारी गराइएको छ’, मन्त्री तेत्सुओ साइतोले पत्रकारहरूसँग भने ।

जापान एयरलाइन्सको विमान धावनमार्गमा तट रक्षकको विमानसँग ठोक्किएपछि आगलागी भएको थियो ।

एयरबस विमानमा सवार सबै तीन सय ६७ यात्री र चालक दलका १२ सदस्यलाई सुरक्षित निकालिएको थियो ।

यसअघि तट रक्षक विमानमा चालक दलका छ सदस्यमा एक जना सुरक्षित रहेको र अन्य पाँच जनाको अवस्था थाहा नभएको एनएचकेले बताएको थियो ।

घटनाको कारण तत्काल खुल्न नसके पनि टेलिभिजन रिपोर्टअनुसार एयरबस तट रक्षक विमानसँग ठोक्किएको थियो ।