सामग्री खोज्नुहोस्

टोकियो। जापानको इशिखावा प्रिफेक्चरमा हिजो गएको भूकम्पमा परी मृत्यु हुनेको संख्या ३० पुगेको छ। भूकम्पले सबै भन्दा बढी क्षेती पुर्रयाएको इशिखावा प्रिफेक्चरमा मात्रै ३० जनाको मृत्यु भएको हो।

सरकारी अधिकारीहरुले दिएको जानकारी अनुसार इशिखावा प्रिफेक्चरको वाजिमा शहरमा १५ जना, सुजु शहरमा ६, नानाओ शहरमा ५, अनामिजु शहरमा २, हाकुई शहर र शिगा टाउनमा १/१ गरी ३० जनाको मृत्यु भएको हो।

इशिखावा प्रिफेक्चरका घरहरुमा अहिले पनि आगो लागिरहेको र उद्दार कार्य चलिरहेकाले क्षेतीको एकिन विवरण आइनसकेको पनि अधिकारीहरुले जनाएका छन् । उद्दार कार्य चलिरहेकाले क्षेतीको पूर्ण विवरण आउन नसकेको बताइएको छ।

इशिखावा प्रिफेक्चरमा आज बिहान पनि ५.६ म्याङ्गेच्युटको अर्को भूकम्प गएको थियो। भूकम्प र सुनामीका कारणले घाइते भएकाहरुको उपचार भैरहेको भएपनि घाइतेहरु संख्या अहिले सम्म एकिन गर्न सकिएको छैन।

‘हामी त्यस क्षेत्रमा रहेका नेपालीहरुको पछिल्लो अबस्था बुझ्ने प्रयास गरिरहेका छौं’ गैर आवासीय नेपाली संघ जापानका अध्यक्ष नविन निउरेले भने ‘अहिले सम्मको सूचना अनुसार सबै सुरक्षित रहेको भन्ने छ।’