Kyodai News

अ

अ+

अ-

एजेन्सी । भेनेजुएलामा रोकिएका कारलाई ट्रकले ठक्कर दिँदा १६ जनाको मृत्यु भएको छ । अन्य ६ जना गम्भीर घाइते छन् ।

काराकसलाई पूर्वसँग जोड्ने ग्रान मारिस्कल डे अयाकुचो राजमार्गमा भएको दुर्घटनामा १६ जना मृत्यु भएको खुलेको प्रमुख अग्नि नियन्त्रक जुआन गोन्जालेजले जानकारी दिए ।

उनका अनुसार केही समयअघि रोकी राखेका कारको लाइनमा तीव्र गतिको ट्रकले ठक्कर दिँदा दुर्घटना भएको हो ।

जोखिम व्यवस्थापन तथा नागरिक उपमन्त्री कार्लोस पेरेज एम्पुएडाले दुर्घटनामा आठ जनाको मृत्यु भएको सूचना दिँदै मर्नेहरूको सङ्ख्या बढ्नसक्ने बताएका थिए । उनले दुर्घटनामा १७ वटा सवारी साधन प्रभावित भएको जानकारी दिए ।

दुर्घटनाको समयमा भीषण आगलागी र धुवाँका मुस्लोका तस्बिरहरू सामाजिक सञ्जालमा सार्वजनिक भएका थिए ।