सामग्री खोज्नुहोस्

टोकियो । जापान, अमेरिका र दक्षिण कोरियाले बढ्दो साइबर खतराविरुद्ध कारबाही अघि बढाउने भएका छन् ।

जापान, संयुक्त राज्य अमेरिका र दक्षिण कोरियाले क्रिप्टोकरन्सी दुरुपयोग र अन्तरिक्ष प्रक्षेपणसहित साइबरस्पेसमा उत्तर कोरियाको धम्कीलाई जवाफ दिन नयाँ पहलमा शनिबार सहमति जनाएका हुन् ।

ह्वाइट हाउसका राष्ट्रिय सुरक्षा सल्लाहकार जेक सुलिवानका अनुसार प्योङयाङले थप जासुसी उपग्रह तैनाथ गर्ने चेतावनी दिएपछि तीन देशका राष्ट्रिय सुरक्षा सल्लाहकारहरूले सियोलमा भेट गरेका हुन् ।

बैठकले अगस्टमा राष्ट्रपति जो बाइडेनले आयोजना गरेको क्याम्प डेभिड त्रिपक्षीय शिखर सम्मेलनमा तय गरिएको प्रतिबद्धतालाई पछ्याएको सुलिभानले भनेका छन् ।

अमेरिका र यसका दुई प्रमुख एसियाली सहयोगीहरूले सुरक्षा र आर्थिक सहयोगलाई गहिरो बनाउने बाचा गरेका जापान टाइम्सले जनाएको छ ।