Kyodai News

एजेन्सी । भारतको उत्तरकाशी सुरुङमा फसेका ४१ जना मजदुरको मंगलबार जिवितै उद्धार गरिएको छ ।

विगत १७ दिनदेखि सुरुङमा फसेका उनीहरूलाई स्वागत गर्न उत्तराखण्डका मुख्यमन्त्री पुष्कर सिंह धामी र केन्द्रीय मन्त्री भीके सिंह उपस्थित थिए ।

भारतीय प्रधानमन्त्री नरेन्द्र मोदीले उत्तराखण्डको सुरुङमा फसेका ४१ जना मजदुरको सुरक्षित उद्धारलाई भावनात्मक सफलताको संज्ञा दिएका छन् । मोदीले भनेका छन्, ‘उत्तरकाशीमा हाम्रा मजदुर भाइहरूको उद्धार अभियानको सफलताले सबैलाई भावुक बनाएको छ।’

१२ नोभेम्बरमा सुरुङको एउटा भाग खसेपछि उनीहरू सुरुङभित्रै थुनिएका थिए । उनीहरुका लागि स्टिल पाइपबाट खाना र पानी पुर्‍याइएको थियो ।