सामग्री खोज्नुहोस्

एजेन्सी । आईसीसी एक दिवसीय विश्वकप क्रिकेटको उपाधि अष्ट्रेलियाले जितेको छ ।

आइतबार घरेलु टोली भारतलाई ६ विकेटले पराजित गर्दै अष्ट्रेलियाले छैटौं पटक उपाधिमाथि कब्जा जमाएको हो ।

अहमदाबादस्थित नरेन्द्र मोदी स्टेडियममा अष्ट्रेलियाले टस जितेर फिल्डिङ रोजेपछि सुरुवाती ब्याटिङ गरेको भारतले निर्धारित ५० ओभरमा १० विकेट गुमाएर २ सय ४० रन बनाएको थियो ।

केएल राहुलले ६६ रन बनाउदा विराट कोहलीले ५४ रन बनाए । कप्तान रोहित शर्माले ४७, सुर्यकुमार यादवले १८, कुलदीप यादवले १०, सुभमन गिल र श्रेयश अय्यरले समान ४, रवीन्द्र जडेजाले ९, मोहमद सामीले ६ र जसप्रीत बुम्राहाले १ रन बनाएका थिए । मोहमद सिराज ९ रनमा अविजित रहे ।

अष्ट्रेलियाका मिचेल स्टार्सले ३ तथा जोस हेजलउड र प्याट कमिन्सले समान २ विकेट झारे । ग्लेन म्याक्सवेल र एडम जम्पाले समान एक एक रन बनाए ।

लिग चरणको खेलमा अष्ट्रेलियालाई पराजित गरे पनि नकआउट चरणमा भारतले जित निकाल्न सकेन ।

अष्ट्रेलियाले यसअघि १९८७, १९९९, २००२, २००७ र २०१५ मा पनि विश्वकपको उपाधि जितेको थियो ।