Kyodai News

एजेन्सी । इजरायली सैन्य हमलाबाट गाजा पट्टीमा मृत्यु हुने प्यालेस्टाइनीको सङ्ख्या ७ हजार नाघेको छ ।

हमासद्वारा सञ्चालित स्वास्थ्य मन्त्रालयले शुक्रबार दिएको जानकारी अनुसार गाजामा मृत्यु हुनेको संख्या ७ हजार ३२६ पुगेको छ ।

यस्तै, युद्ध सुरू भएदेखि अहिलेसम्म १८ हजार ९६७ प्यालेस्टाइनी घाइते भएको मन्त्रालयले जनाएको छ ।

इजरायलले अक्टोबर ७ मा इजरायली सैन्य लक्ष्य र शहरहरूमा गाजा–सत्ताधारी हमास विद्रोहीहरूले गरेको आक्रमणको बदलास्वरूप गाजा विरुद्धको आक्रमणलाई तीव्रता दिएको छ ।

उसले सीमित भूमिगत अपरेसनहरू पनि सुरु गरेको छ । जसबाट इजरायलमा कम्तीमा एक हजार ४०० जनाको ज्यान गएको बताइएको छ ।