सामग्री खोज्नुहोस्

एजेन्सी । दक्षिणी इजराइलमा हमास समूहले गरेको आक्रमणपछिको द्वन्द्व जारी छ ।

एक साताअघि हमासले आक्रमण गरेपछि गाजा शहरमा इजराइली हमलामा मर्नेहरूको सङ्ख्या २ हजार २ सय १५ पुगेको प्यालेस्टिनी अधिनस्थ क्षेत्रको हमास नियन्त्रित स्वास्थ्य मन्त्रालयले जानकारी दिएको छ । मर्नेमा ७ सय २४ बालबालिका रहेका छन् ।

मन्त्रालयले हमलामा मारिनेहरूमा ४ सय ५८ महिला रहेको जनाएको छ । हमलामा ८ हजार ७ सय १४ जना घाइते भएका छन् ।

आक्रमणमा हताहत भएका वा बन्धक बनाइएकामध्ये सबैभन्दा बढी विदेशी अमेरिकी नागरिहरू रहेको अधिकारीहरूले बताएका छन् ।

सम्बन्धित देशका राजदूतावास र विदेशमन्त्रालयद्वारा सार्वजनिक तथ्याङ्कअनुसार इजरायलमा कट्टरपन्थी इस्लामिक समूह हमासको आक्रमणमा परी अहिलेसम्म मृत्यु हुनेको सङ्ख्या एक हजार ३०० पुष्टि भएको छ ।

यसमध्ये सबैभन्दा बढी इजरायली रहेका छन् भने मृतकमध्ये एक सयभन्दा बढी विदेशी नागरिक रहेको बताइएको छ ।