सामग्री खोज्नुहोस्

टोकियो । जापानी कम्पनी तोशिबाले आफ्नो युग समाप्त भएको घोषणा गरेको छ ।

विद्युतीय उपकरण उत्पादनका निम्ति विश्वविख्यात कम्पनी तोशिबाले आफ्नो युग समाप्त भएको घोषणा गर्दै कम्पनीको ८० प्रतिशत शेयर एउटा निजी समूहले खरिद गरेको जानकारी दिएको हो ।

सन् १८७५ मा स्थापना भएको तोशिबा कम्पनी १९ औं शताब्दीमा जापानको आर्थिक पुनरुत्थान र प्राविधिक क्षेत्रमा नवप्रवर्तनको पर्याय बनेको थियो ।

७० वर्षसम्म शेयर बजारमा सूचीकृत कम्पनी अब त्यसबाट हट्ने प्रमुख कार्यकारी अधिकृत तारो सिमादाले बताएका छन् । “तोसिबा समूहले अब नयाँ शेयरधनीका साथ नयाँ भविष्यतर्फ ठूलो कदम चाल्नेछ,” बिहीबार एक विज्ञप्ति निकालेर उनले भनेका छन् ।

जापानमा मात्र नभएर विदेशमा पनि घरायसी ब्राण्ड बनेको तोसिबा कम्पनीले प्रारम्भिककालमा ल्यापटप कम्प्यूटर, लिफ्ट र आणविक पावर स्टेशनहरूदेखि माइक्रोचिपसम्म निर्माण गर्दै आएको थियो ।

सन् २०१५ मा भएको आर्थिक घोटाला र अमेरिकी आणविक सहायक वेस्टिङहाउसबाट अरबौं डलरको घाटा व्यहोर्नुपरेपछि केही वर्षदेखि कम्पनी सङ्कटमा फसेको थियो ।