सामग्री खोज्नुहोस्

टोकियो । नेपाली कम्युनिटी जापानद्वारा आयोजित ‘हिरोशिमा तीज धमाका २०२३’ सम्पन्न भएको छ ।

रविलाल गैरेको संयोजकत्वमा सम्पन्न भएको कार्यक्रममा कम्युनिटी कार्यवाहक अध्यक्ष अनन्त रिजालको अध्यक्षता रहेको थियो ।

कम्युनिटीका सचिव विपिन केसीले सञ्चालन गरेको कार्यक्रममा सन्दीप रिजालले स्वागत मन्तव्य राखेका थिए ।

हिरोशिमाको चुओ क्षेत्रमा रहेका दिदी-बहिनीहरूलाई नेपाली तीजको झल्को दिनेगरी चर्चित कलाकार सूर्य खड्का र सुमन थापा मगरले आफ्नो प्रस्तुति दिएका थिए ।

कार्यक्रमको व्यवस्थापन उपाध्यक्ष रवीन्द्र बरालले गरेका थिए भने सम्पूर्ण हिरोशिमाबासी नेपालीको संयोजन चिरञ्जीवी अधिकारी र विमल न्यौपानेले गरेका थिए ।

कार्यक्रममा नेपाल–जापान मितव्यीताका लागि जापानी नागरिकहरूले समेत आफ्नो शुभकामना मन्तव्य राखेका थिए ।

करिब २५० जनाको उपस्थिति रहेको कार्यक्रममा हिरोशिमाका स्थानीय कलाकारहरूले पनि आ–आफ्नो प्रस्तुति दिएका थिए ।