Kyodai News

टोकियो । जापानका प्रधानमन्त्री फुमियो किसिदामाथि पाइप बम प्रहार गरेका युवकविरुद्ध ज्यानमार्ने उद्योग गरेको अभियोग लगाएको छ ।

गत वैशाखमा पश्चिमी जापानमा आयोजित एक चुनावी सभामा प्रधानमन्त्रीमाथि एक युवकले विष्फोटक पदार्थयुक्त उपकरणले आक्रमण गरेका थिए । यद्यपि प्रधानमन्त्रीमाथि कुनै हानी भएको थिएन ।

आक्रमण गर्ने २४ वर्षीय रियुजी किमुरालाई तत्काल पक्राउ गरिएको थियो । अहिले उनीविरूद्ध हत्या अभियोग लगाइएको उक्त मुद्दा हेरिरहेको अदालतका प्रवक्ताले बताएका छन् ।

पूर्वप्रधानमन्त्री शिन्जो आबेको हत्या भएको एक वर्ष पनि नपुग्दै प्रधानमन्त्री किसिदामाथि आक्रमण भएको थियो ।