सामग्री खोज्नुहोस्

एजेन्सी । भारत सरकारले खाना पकाउने ग्यासको मूल्य घटाएको छ । देशभरका घरपरिवारलाई राहत दिने उद्देश्यले सरकारले भारतीय २०० रूपैयाँ कटौती गर्ने घोषणा गरेको हो ।

केन्द्रीय मन्त्रिपरिषद्को निर्णयबारे जानकारी दिँदै सूचना तथा प्रसारण मन्त्री अनुराग सिंह ठाकुरले यो निर्णय प्रधानमन्त्री नरेन्द्र मोदीले ओणम र रक्षाबन्धनमा देशका महिलाहरूलाई उपहार दिएको बताए ।

प्रधानमन्त्री मोदीको अध्यक्षतामा बसेको मन्त्रिपरिषद्को बैठक बुधबारबाट लागू हुने गरी १४.२ केजीको ग्यास सिलिण्डरको मूल्य देशभर २०० रुपैयाँले घटाएको हो ।उदाहरणका लागि दिल्लीमा यो निर्णयले १४.२ केजीको सिलिण्डरको मूल्य प्रतिसिलिण्डर एक हजार १०३ रूपैयाँबाट घटाएर ९०३ रूपैयाँमा झार्नेछ ।

यो कटौती उज्ज्वला परिवारलाई प्रति सिलिण्डर रु २०० को विद्यमान लक्षित अनुदानको अतिरिक्त हो, त्यसैले यो कटौतीपछि उज्ज्वला लाभग्राहीका लागि दिल्लीमा प्रभावकारी मूल्य ७०३ भारु हुनेछ ।