सामग्री खोज्नुहोस्

टोकियो । जापानमा सामुदायिक विद्यालयहरुमा पढाउने शिक्षकहरुले जागिर छाड्नेक्रम बढेको एक अध्ययनले देखाएको छ ।

तथ्यांक अनुसार सन् २०२१ मा ९५३ शिक्षकहरुले मानसिक स्वास्थ्यको कारणले जागिर छोडेका थिए । यो संख्या अघिल्लो पटक सर्वेक्षण गरिएको २०१८ को तुलनामा १७१ ले बढी हो ।

जागिर छाड्नुको प्रमुख कारणमा मानसिक स्वास्थ्य रहेको शिक्षकहरुले बताएका छन् ।

शिक्षा मन्त्रालयको सर्वेक्षण अनुसार सरकारी प्राथमिक विद्यालय, जुनियर हाई स्कूल र सिनियर हाई स्कूलमा शिक्षकले जागिर छाड्नेको संख्या बढ्नुमा लामो समय काम गर्नु पनि एक कारण रहेको पाइएको छ ।

अधिकारीहरूले उनीहरूले शिक्षकहरूको मानसिक स्वास्थ्यलाई तत्काल मुद्दाको रूपमा सम्बोधन गर्न आवश्यक रहेको बताएका छन् ।

शिक्षा, संस्कृति, खेलकुद, विज्ञान तथा प्रविधि मन्त्रालयले गरेको सर्वेक्षण अनुसार सन् २०२२ को मार्चमा आएको शैक्षिक वर्ष अनिवार्य अवकाश बाहेक अन्य कारणले जागिर छाड्ने कुल १२ हजार ६५२ शिक्षकमध्ये ८ प्रतिशतले मानसिक रोगका कारण राजीनामा दिएका छन् ।