सामग्री खोज्नुहोस्

काठमाडौं । गत आर्थिक वर्षमा नेपालको व्यापार घाटा साढे १४ अर्बभन्दा बढी देखिएको छ ।

तर नेपालबाट जापानसहित विभिन्न मुलुकमा गलैँचा, अलैची, अम्रिसो, कुकुर तथा विरालाको खानादेखि यार्सागुम्बासम्म निर्यात भएकाे छ । जसबाट २४ अर्बभन्दा बढी आम्दानी भएको भन्सार विभागले जनाएको छ ।

विभागका अनुसार गत आर्थिक वर्ष २०७९/८० मा एक ११ अर्ब ५० करोड ६६ लाख २३ हजार रूपैयाँको गलैँचा निर्यात भएको छ । नेपालमा उत्पादन हुने गलैँचा अमेरिका, जर्मनी, बेलायतलगायतका मुुलुकमा निर्यात हुने गरेको छ ।

गत आवमा अमेरिकामा सात अर्ब १८ करोड २५ लाख ६७ हजार रूपैयाँ बराबरको गलैँचा निर्यात भएको छ । साथै जर्मनीमा ८८ करोड ७० लाख २२ हजार, बेलायतमा रु ७८ करोड ७५ लाख ७६ हजार, इटलीमा रु ६१ करोड ४६ लाख ६२ हजार मूल्य बराबरको गलैँचा निर्यात भएको छ । साथै गत आवमा फ्रान्समा रु ३४ करोड २५ लाख ९२ हजार बराबरको गलैँचा निर्यात भएको छ ।

यस्तै जापानमा तीन करोड ९३ लाख ५६ हजार बराबरको विभिन्न सामान निर्यात भएको विभागले जनाएको छ ।