सामग्री खोज्नुहोस्

एजेन्सी । म्यान्मारको सैनिक सरकारले सङ्कटकालीन अवस्था लम्ब्याएको छ । योसँगै आम निर्वाचन पनि पछाडि सर्ने भएको छ । संविधानतः सङ्कटकालीन अवस्था अन्त्य भएको छ महिनाभित्र आम निर्वाचन गराउनुपर्छ ।

यही अगस्टमा आम निर्वाचन गराउने बाचा गरेको म्यान्मारको वर्तमान सरकारले सोमबार सङ्कटकाल थप छ महिना लम्ब्याएको घोषणा गर्दै चुनाव नहुने सङ्केत गरेको हो । म्यान्मार परिषद्का कार्यवाहक अध्यक्ष मिन्ट स्वेले भोलिदेखि छ महिनासम्म सङ्कटकाल थपिएको घोषणा गरेका छन् ।

देशको दुई वर्षअघि प्रजातन्त्रवादी नेत्री आङ सान सुकीको सरकारलाई अपदस्थ गरेयता त्यसको विरोधमा उत्रेकाहरूमाथि व्यापक धरपकड एवं दमन गरेको छ भने समग्र देश रक्तपातपूर्ण हिंसाको चपेटामा परेको छ ।

सैनिक शासनविरुद्धको आन्दोलनमा सयौं सर्वसाधारण मारिएका छन् भने हजारौं घाइते भएका छन् ।