सामग्री खोज्नुहोस्

टोकियो । गैरआवासीय नेपाली संघ (एनआरएनए) जापानको अध्यक्षमा नवीन निउरे भारी मतान्तरसहित विजयी भएका छन् । निकटतम प्रतिद्वन्दी संगीता अधिकारी सुवेदीलाई १ हजार ७३५ मतले पराजित गर्दै निउरे विजयी भएका हुन् ।

निउरेले २ हजार ९५५ मत प्राप्त गर्दा सुवेदीले १ हजार २२० मत मात्र प्राप्त गरिन् भने अरु दुई उम्मेदवारले एक हजार मत पनि कटाउन सकेनन् । अध्यक्ष पदका प्रत्यासी राजकुमार अधिकारीले ७ सय ७७ मत प्राप्त गरे भने रामकृष्ण श्रेष्ठले ४ सय ९६ मतमा चित्त बुझाउनु पर्‍यो ।

त्यसैगरी ५ उपाध्यक्ष पदका लागि भएको निर्वाचनमा सचिन श्रेष्ठ २ हजार ७१२, सुवास लामिछाने २ हजार ३८२, देवराज उप्रेती २ हजार ३८१, कृष्ण गैरे २ हजार १३१ र सिद्धार्थ श्रेष्ठ २ हजार १२१ मतसहित विजयी भएका छन् ।

उपाध्यक्षमा उम्मेदवारी दिएका विष्णु सुवेदीले १ हजार ५३८, मुक्त्तिराम खनालले १ हजार ५३६ र रुद्र मल्लले १ हजार १२९ मत प्राप्त गरेको निर्वाचन समितिले जनाएको छ ।

त्यस्तै महिला उपाध्यक्षमा २ हजार ८१२ मतसहित विजयी हुँदा निकटतम प्रतिद्वन्दी लक्ष्मी केसी महर्जनले २ हजार ६०८ मत प्राप्त गरिन् ।

त्यसैगरी एक महासचिव पदका लागि उम्मेदवारी दिएका टिकाराम खरेल २ हजार ७८९ मतसहित विजयी भए भने सोही पदका अर्का दाबेदार श्याम श्रेष्ठले २ हजार ६२६ मत प्राप्त गर्न सफल भए ।

तीन सचिव पदका लागि उम्मेदवारी दर्ता गराएका अर्जुन थापा २ हजार ७६२, दिपेश खत्री २ हजार ५६० र दिलिप कंडेल २ हजार १५२ मतसहित विजयी भएका छन् । सचिव पदका लागि उम्मेदवारी दिएका मनोज श्रेष्ठ १ हजार ७९६, सचिन शर्मा १ हजार ६१७ र ज्ञानेन्द्र भट्टले ८९५ मत प्राप्त गरेको निर्वाचन समितिका सदस्य आनन्द कोइरालाले जानकारी दिए ।

कोषाध्यक्ष पदका लागि दुई जनाको उम्मेदवारी परेकोमा ३ हजार ३५ मतसहित दीपक सुनार विजयी हुँदा उनका प्रतिद्वन्दी कर्साङ्ग तामाङ्गले २ हजार ३७१ मत प्राप्त गरे ।

त्यसैगरी सह-कोषाध्यक्षमा ३ हजार २६४ मत सहित रामबहादुर थापा, महिला सदस्यमा ३ हजार ९७० मतसहित ललिता तामाङ्ग, सदस्यहरुमा दिलिप शर्मा ३ हजार ९४६, ज्योति केसी ३ हजार ४३६, विनय गुरुङ्ग ३ हजार २६१, रामु कंडेल ३ हजार ४, ध्रुब गौतम २ हजार ९४६, नेत्र पाण्डेय २ हजार ८२४ र कृष्णप्रसाद कंडेल २ हजार ७३९ मतसहित विजयी भएका छन् ।