सामग्री खोज्नुहोस्

टोकियो । विगत डेढ दशकदेखि जापानको जनसंख्या क्रमशः घट्दै गएको पाइएको छ । जापानी जनताको जनसंख्या घट्दै गएको पाइएको गृह मन्त्रालयले जनाएको छ ।

विश्वको तेस्रो ठूलो आर्थिक शक्ति राष्ट्र रूपमा रहेको जापानको अहिले सबभन्दा चिन्ताको विषय भनेको घट्दो जनसंख्या रहेको छ । वृद्धवृद्धाहरुको घट्दो संख्या र नयाँ जन्म नहुँदा जापानको सामाजिक जीवनमा प्रभावित बन्दै गएको छ ।

केही दिन अगाडि गृह मन्त्रालयले दिएको जानकारी अनुसार २०२३ को पहिलो दिन जापानको जनसंख्या १२ करोड २४ लाख २० हजारभन्दा बढी थियो । यो संख्या अघिल्लो वर्षको तुलनामा लगभग ८ लाख कम हो । जुन सन् १९६८ मा राखिएको आँकडापछिको सबैभन्दा कम हो ।

जापानमा अघिल्लो वर्ष ७ लाख ७१ हजार शिशुको जन्म भयो । यो सन् १९९७ देखि गर्न थालिएको सर्वेवक्षणमा सबभन्दा कम हो । त्यस्तै १५ लाख ६० जनाको मृत्यु भएको थियो । जुन सबैभन्दा बढी हो ।

जनसंख्यामा कमी आइरहे पनि राजधानी टोकियो सबैभन्दा बढी आवादीको क्षेत्र रहेको छ । टोकियोमा १ करोड ३२ लाख ६० हजार जनसंख्या छ । जापानमाा पहिलोपटक ४७ वटै प्रान्तमा जनसंख्या घटेको छ ।

जापानमा विदेशी नागरिकको संख्या तीन वर्षमा पहिलोपटक बढेको छ । त्यहाँ २९ लाख ९० हजारभन्दा बढी विदेशी छन् । सन् २०१३ यता यो संख्या अहिलेसम्मकै सबैभन्दा उच्च हो ।