सामग्री खोज्नुहोस्

टोकियो । रेल जापानको दैनिक जीवनको एक हिस्सा हो । जुन नागरिकका लागि अत्यावश्यक छ ।

धेरै हदसम्म यातायातको सुरक्षित र सुविधाजनक मोड भए पनि रेलहरूमा गरिएका अपराधहरू बेलाबखत समाचारका हेडलाइनहरू बन्ने गरेका छन् । त्यस्ता घटनाहरूलाई कसरी रोक्ने भन्ने प्रश्नहरू पनि उठ्न थालेका छन् ।

गत आइतबार एक ३७ वर्षीय व्यक्तिले ओसाका प्रिफेक्चरमा कन्साई एयरपोर्ट जाँदै गरेको रेलमा तीन जनालाई चक्कु प्रहार गरे । २० वर्षको एक रेल कन्डक्टरको अनुहारमा चोट लागेको थियो र दुई यात्रुलाई सामान्य चोट लागेको थियो।

हालैको सम्झनामा रहेका अन्य घटनाहरूमा टोकियोको २०२१ ओडाक्यु लाइन रेल आक्रमण र त्यसको दुई महिनापछि राजधानीको केइओ लाइनमा भएको नक्कली ‘जोकर’ आक्रमण, साथै सन् २०१८ मा शिन्कान्सेन भित्र भएको चक्कु आक्रमण र २०१५ को आत्मदाह समावेश जापान टाइम्सले लेखेकाे छ ।