सामग्री खोज्नुहोस्

टोकियो । गैर आवासीय नेपाली संघ जापानको युवा संयोजकमा मुक्तिराज रेग्मी निर्विरोध निर्वाचित भएका छन् । एनआरएनए जापानका केन्द्रीय सदस्य राजु भण्डारी ‘सुनिल’ युवा संयोजकमा दिएको उम्मेदवारी फिर्ता लिएसँगै रेग्मी निर्विरोध निर्वाचित भएका हुन् ।

रेग्मी यसअघि चिवा क्षेत्रीय समितिका संयोजक थिए । चिबा क्षेत्रीय समितिको तदर्थ समिति सदस्य, कोषाध्यक्ष र संयोजक हुँदै राष्ट्रिय समन्वय परिषद् जापानको युवा संयोजकमा निर्वाचित भएका हुन् ।

उनको कार्यकालमा चिबा क्षेत्रीय समितिले उत्कृष्ट कार्य सम्पादन गरेको एनआरएनए अभियानताहरुले बताउदै आएका छन् । नेपालको पर्वत जिल्लामा जन्मिएका रेग्मी पर्वत समाज जापानका उपाध्यक्ष समेत हुन् ।

रेग्मी निर्विरोध निर्वाचित भएता पनि उम्मेदवारी फिर्ता र उम्मेदवारहरु माथि परेका उजुरी उपर छानबिन लगायतका चुनावी प्रक्रिया बाँकी रहेकाले निर्वाचन समितिले औपचारिक घोषणा भने गरिसकेको छैन ।

एनआरएनए जापानको निर्वाचन जुलाई ३० तारिख हुँदैछ ।