सामग्री खोज्नुहोस्

टोकियो । जापानको न्याय तथा कानून मन्त्रालयले भोकेसनल बिद्यालय स्नानातक गरेकाहरुका लागि रोजगारको क्षेत्र बिस्तार गर्ने तयारी गरेको छ । जापानको चर्चित आर्थिक पत्रिका निक्केइले आज प्रकाशन गरेको समाचार अनुसार बिदेशी बिद्यार्थीहरुलाइ जापानमै रोजगारी सिर्जना गर्ने उद्देश्यले रोजगार सम्बन्धि नीतिलाइ केही खुकुलो गराउन लागिएको हो ।

भोकेसनल बिद्यालयबाट स्नातक भएका बिद्यार्थीहरुले आफैले पढेको क्षेत्रमा काम नपाउदा उनीहरु देश फर्किन बाध्य भएको भन्दै त्यसको न्यूनीकरणका लागि बिदेशी बिद्यार्थीहरुलाइ लक्षित गर्दै रोजगार नीतिमा परिवर्तन गर्न लागिएको हो ।

जापानमा बिदेशी बिद्यार्थीले जुन मेजर बिषयमा स्नातक गरेका हुन् सोही संग सम्बन्धित काम बाहेक गर्न नपाउने नियम छ । ‘बिदेशी बिद्यार्थीहरुलाई लक्षित गरी बर्तमान रोजगार नीतिलाइ खुकुलो बनाउने तयारी हो’ जापानको अध्यागमन विभागले टेलिफोनमा भन्यो ‘तर के कस्ता नीतिहरु समाबेस गर्ने भन्ने अहिले छलफलकै चरणमा रहेकाले केही भन्न सकिदैन ।’

निक्केइ पत्रिकाले प्रकाशन गरेको समाचार अनुसार भोकेसनल बिद्यालयको अध्ययन सकेका बिद्यार्थीहरुका लागि लक्षित ‘बाउण्ड्रि’ हरु खुकुलो बनाउन लागिएको छ । पर्यटन सम्बन्धि अध्ययन गरेका बिद्यार्थीहरुले ठुला होटेलहरुमा पनि काम गर्न दिने कुरालाई उदाहरणका रुपमा प्रस्तुत गरेको छ ।

सरकारले शरद ऋतुमा बिदेशी बिद्यार्थीहरुका लागि के कस्ता नीतिहरु अख्तियार गर्ने भन्ने घोषणा गर्ने तयारी गरिरहेको छ । ‘जापानी भाषा र सस्कृति बारे धेर थोर जानेका बिद्यार्थीहरु स्वदेस फर्कन पर्ने बाध्यतालाई सम्बोधन गर्ने कानून मन्त्रालयको तयारी हुनुपर्छ’ अध्यागमनका ति अधिकारीले भने ‘तर सबै बिषय क्लियर भैनसकेकाले यसबारे थप जानकारी दिन सकिदैन ।’

कानून मन्त्रालय र अध्यागमनबीचको छलफलबाट निस्केको निचोडलाइ कानूनमा समाबेस गर्ने जापान सरकारको तयारी रहेको हुन सक्ने अनुमान गरिएको छ ।