Kyodai News

एजेन्सी । भारतको उडिसा रेल दुर्घटनामा मृत्यु भएका ५२ जनाको शवको पहिचान नहुँदै अन्त्येष्टि गर्ने तयारी भएको छ ।

भारतमा करिब एक महिना पहिले जुन २ का दिन पूर्वी राज्य उडिसामा दुई यात्रुबाहक रेल र एउटा मालबाहक रेल एकआपसमा ठोक्किँदा करिब ३०० जनाको मृत्यु भएको थियो ।

मृत्यु भएका ५२ जनाको शवको पहिचान हुन नसकेको र चाँडै अन्त्येष्टि गरिने एक वरिष्ठ सरकारी अधिकारीले बताएका छन् ।

अधिकांश मृत शरीरहरू पहिचान गर्न नसकिने गरी क्षतिग्रस्त भएका थिए र उनीहरूको डीएनए नमूनाहरू पहिचानको लागि पठाइएको थियो । कुल ८१ शवमध्ये २९ वटाको मात्र डीएनए नमूना मिलान गर्न सकिएको बताइएको छ ।

दाबी नगरिएका शवको अन्त्येष्टि गर्नका शवदाह गृह समेत तयार पारिएको बताइएको छ ।