सामग्री खोज्नुहोस्

टोकियो । स्वास्थ्य विशेषज्ञ सिगेरु ओमीले सोमबार जापानी प्रधानमन्त्री फुमियो किशिदासँग भेटवार्ता गरेका छन् ।

प्रधानमन्त्रीसँगको भेटवार्तापछि पत्रकारहरूसँग कुरा गर्दै उनले जापानमा कोरोना भाइरस संक्रमणको नवौं लहर सुरु भएको हुन सक्ने बताए ।

सरकारको शीर्ष कोरोनाभाइरस सल्लाहकारको रूपमासमेत काम गरिसकेका उनले कमजोर र वृद्ध व्यक्तिहरूलाई कोरोनाबाट जोगाउने जोड दिए ।‘नवौं लहर सुरु भएको हुनसक्छ,’ सिगेरु ओमीले प्रधानमन्त्री फुमियो किशिदासँग भेट गरेपछि पत्रकारहरूसँग भने ।

सरकारले मे महिनामा कोरोनाको तत्कालीन कानुनी स्थितिलाई मौसमी रूपमा समान श्रेणीमा डाउनग्रेड गर्ने निर्णय गरेको थियो ।

अहिले राष्ट्रव्यापी संक्रमण वृद्धिबारे छलफल भइरहेको जापान टाइम्सले लेखेको छ ।

‘मानिसहरू अरूसँग बढ्दो सम्पर्कमा रहेकाले संक्रमणको वृद्धि एक अर्थमा अपेक्षा गरेजस्तै हो,’ ओमीले भने ।