सामग्री खोज्नुहोस्

एजेन्सी । रुस आन्तरिक समस्यामा परेको छ ।

रुस–युक्रेन युद्ध चलिरहेका बेला निजी सैन्य दस्ता वाग्नर ग्रूपले विद्रोह गरेपछि रुस आन्तरिक उल्झनमा परेको हो ।

सन् २०२२ को फेब्रुअरी २४ मा रुसले युक्रेनमाथि आक्रमण शुरू गरेयता रुसभित्रको आन्तरिक विवाद पहिलोपटक सार्वजनिक भएको हो ।

युक्रेन युद्धको करिब १६ महिनापछि वाग्नर समूहले रुसको सैन्य नेतृत्वलाई ध्वस्त पार्ने चेतावनी दिएको छ ।

लगतै रूसी विदेश मन्त्रालयले यस विषयमा राष्ट्रपति भ्यादिमिर पुटिनको साथमा रहेको उल्लेख छ ।

मन्त्रालयका तर्फबाट सार्वजनिक बयानमा देशको समाज सशस्त्र विद्रोहलाई पूरै खारेज गर्दै राष्ट्रपति पुटिनको साथमा रहेको जनाइएको छ ।

‘हामी पश्चिमा देशहरूलाई चेतावनी दिन चाहन्छौं कि रुसविरुद्ध आफ्नो उद्देश्य पूरा गर्न घरेलु स्थितिको फाइदा उठाउने कोसिस नहोस्, यस किसिमका प्रयास सफल हुने छैनन् । यस्ता गतिविधिलाई न त रुसको देशभित्र समर्थन मिल्नेछ, न त बाह्य राजनीतिक शक्तिले नै मान्यता दिनेछन्’ बयानमा उल्लेख छ ।