सामग्री खोज्नुहोस्

एजेन्सी । भारतको चेन्नाइबाट उडिसा राज्य स्थित बालासोरको हावाडाका लागि छुटेको ट्रेन मालबाहक ट्रेन संग ठोकिंदा २३७ जनाको मृत्यु भएको छ । भारतको आजतक टेलिभिजनले जनाएअनुसार दुर्घटनामा परी ९०० भन्दा बढी घाइते भएका छन् ।

कोरोमन्डल एक्सप्रेसको ट्रेन लिक बाट बाहिरिएर अर्को ट्रयाकमा रहेको मालबहाक ट्रेनमा ठोकिएको र लगत्तै अर्को यात्रुबहाक ट्रेनमा पनि ठोकिन पुगेको आजतकले रिपोर्ट प्रशारण गरेको छ ।

दुर्घटना पछि उद्दार कार्य चलिरहेको र मृतकको संख्या बढ्न सक्ने भारतीय अधिकारीहरुले जनाएका छन् । भारतीय संचार माध्यमहरुका अनुसार सन् २०१२ पछिको सबै भन्दा ठुलो रेल दुर्घटना हो ।

उद्दार कार्यलाई प्रभावकारी गराउन घटनास्थलमा आर्मीको हेलिकप्टर सहित १०० भन्दा बढी एम्बुलेन्स र ५० भन्दा बढी बसहरु परिचालन गरिएको छ । भारतका रेल मंत्री अश्विनी वैष्णवले घटनाबारे थप अनुसन्धान गर्नका लागि छानबिन समिति गठन गर्ने बताएका छन् । अहिले उनि घटनास्थलमा पुगिसकेको पनि भारतीय संचार माध्यमहरुले उल्लेख गरेका छन् ।

यस्तै भारतीय प्रधानमन्त्री नरेन्द्र मोदीले पनि घटनाप्रति दुख ब्यक्त गर्दै मृतकहरुका लागि उचित क्षेतिपूर्ति र घाइतेकोहरुको उपचारको ब्यबस्था गर्न सम्बन्धित निकायलाई निर्देशन दिएका छन् । भारत भ्रमणमा रहेका नेपालका प्रधानमन्त्री पुष्पकमल दाहाल प्रचण्डले पनि दुर्घटनाप्रति दुख ब्यक्त गरेका छन् ।