सामग्री खोज्नुहोस्

टोकियो । फिलिपिन्सको पूर्वी समुन्द्र हुँदै जापान प्रवेश गरेको ताइफ़ुका कारण जापानभर भारी वर्षा भएको छ । वर्षाका कारण कतिपय ठाउमा बाढी र पहिरोको जोखिम समेत बढेको भन्दै नागरिकहरुलाई सुरक्षित स्थानमा सारिएको छ।

नम्बर २ नाम दिएको उक्त ताइफ़ुका कारण जापानको ओकिनावा, आइची, ह्योगो, सिझुओखा लगायतका क्षेत्रमा भारी वर्षाका कारण बाढी आएको जापानी संचार माध्यमहरुले जनाएका छन् ।

संचार माध्यमहरुका अनुसार जापानको आइची प्रिफेक्चरमा मात्रै १ लाख ३० हजार २३८ जनालाई सुरक्षित स्थानमा सार्नु परेको छ। सुरक्षित सिझुओखामा १ हजार ९१ जनालाई सुरक्षित स्थानको आबस्यकता रहेको समाचारहरुमा जनाइएको छ।

त्यस्तै वाखायामा प्रिफेक्चरमा बस्तीमा बाढी पसेको छ । तर अहिले सम्म कुनैपनि मानविय क्षेतीको रिपोर्ट नआएको एनेएचकेले समाचारमा उल्लेख गरेको छ ।

तीब्र गतिका रेल सेवा अबरुद्द

बिहानै देखि परेको अविरल बर्षका कारण जापानभारको रेल सेवा समेत प्रभावित भएको छ । बर्षाका कारण देशभरका रेलसेवा प्रदायकहरुले तालिका अनुसार सेवा दिन नसकेको सूचनाहरु प्रकाशित गरेका छन् ।

त्यस्तै तोउकाइदो सिनाकानसेन अबरुद्द भएको छ । बर्षा संगै हावा र हुरी आएकाले रेलसेवा प्रभावित भएको जापान रेल्वे कम्पनीले सूचनामा उल्लेख गरेको छ। यो लाइन अन्तरगतको बुलेट ट्रेन टोकियो देखि सिजुओका, नागोया हुँदै ओसाका सम्म चल्ने गर्दथ्यो।