सामग्री खोज्नुहोस्

टोकियो । जापानको मौसम बिज्ञान एजेन्सीले फिलिपिन्सको पूर्वी समुन्द्रमा प्रति घण्टा १५ किलोमिटरको गतिमा शक्तिशाली ताइफ़ु उत्तरपश्चिम तर्फ सरिरहेको र ३१ तारिख सम्म ओकिनावा क्षेत्रमा आइपुग्ने बताएको छ।

नम्बर २ नाम दिएको उक्त ताइफ़ुका कारण ओकिनावाको समुन्द्री क्षेत्रमा छालहरु उत्पन्न हुने र साकिशिमा क्षेत्रका टापुहरुमा ठुलो आंधीबेहरी हुन सक्ने सम्भावना रहेकाले ओकिनावा क्षेत्रमा बिशेष सतर्कता अपनाउन आबश्यक रहेको जापानको मौसम बिज्ञान एजेन्सीले जनाएको छ।

ताइफ़ुको प्रभाव पूर्वी र पश्चिमी जापानमा लामो समयसम्म रहने र अधिकांस क्षेत्रमा भारी वर्षाको जोखिम रहेको जापानको मौसम बिज्ञान एजेन्सीले आफ्नो होमपेजमा उल्लेख गरेको छ । बर्षाका कारण पहिरो जान सक्ने र तल्लो भागमा बाढीको जोखिम रहेको बताउदै बिशेष सतर्कता अपनाउन आग्रह गरेको एनएचकेले जनाएको छ ।

ओकिनावा क्षेत्रका आमामी र होंसु वरपरका बासिन्दाहरुलाई वर्षा हुनु पूर्वनै खाद्यान्न भण्डारण गर्न समेत मौसम बिज्ञान एजेन्सीले आग्रह गरेको छ । उसका अनुसार २९ तारिख देखि जापानमा भारी वर्षा सुरु हुने र ३१ तारिख उक्त ताइफ़ु जापानको समुन्द्री भागमा प्रबेस गर्नेछ।