सामग्री खोज्नुहोस्

टोकियो । जापानको चिवामा शक्तिशाली भूकम्प गएपछि नारिता अन्तराष्ट्रिय विमानस्थलका दुवै धावन मार्गहरु बन्द गरिएको छ। भूकम्पका कारण धावन मार्गमा क्षेती भए नभएको परिक्षण गर्नका लागि दुवै धावन मार्गहरु बन्द गरिएको विमानस्थलले जनाएको छ।

त्यस्तै चिवा क्षेत्रमा चल्ने अधिकांस रेल सेवा पनि परिक्षणका लागि तत्कालका लागि बन्द गरिएको छ। जापानको पूर्वी रेलवे कम्पनीले होमपेजमा जारी गरेको सूचना अनुसार सौबू होनसेन अन्तर्गत चल्ने रेलहरु बन्द गरिएको हो। त्यस्तै सोबु र्यापिड लाइनमा भने समय तालिका अनुसार रेल संचालन हुन सकेका छैनन्।

जापानको चिबा प्रिफेक्चरलाइ केन्द्र बनाएर साँझ ७. ३ बजे ६. २ म्याग्नेच्युटको शक्तिशाली भूकम्प गएको थियो ।

चिबा प्रिफेक्चरको पूर्वी तटलाइ केन्द्रबिन्दु बनाएर गएको भूकम्पको धक्का इबाराकी प्रान्तको काशिमा शहर, इबाराकी प्रिफेक्चर, इबाराकी प्रिफेक्चरको इनाशिकी शहर, इबाराकी प्रिफेक्चर, इबाराकी प्रिफेक्चर लगायतका क्षेत्र सम्म महसुस गरिएको थियो ।

यसपछि पनि भूकम्प जान सक्ने भन्दै अधिकारीहरुले सचेत रहन आग्रह गरेका छन् । भूकम्पका कारण सुनामी आउन सक्ने सम्भावना भने नरहेको जापानका संचार
माध्यमहरुले जनाएका छन् ।