सामग्री खोज्नुहोस्

टोकियो । जापानको नागानो प्रिफेक्चरको नाकानो सिटीमा हिजो बन्दुक प्रहार गरी ४ जनाको हत्या गरिएको छ । प्रहरीका अनुसार नाकानो सिटि काउन्सिलका अध्यक्ष मासामिची आओकीका ३१ बर्षीय छोरा मसानोरी आओकीद्वारा उक्त घटना घटाएको बताएको छ ।

६६ बर्षीय युकी मुराकामी माथि आक्रमण भएको खबर पाउँदा साथ् घटनास्थ पुगेको प्रहरी माथि उनले आक्रम गरेको जापानी संचार माध्यमहरुले जनाएका छन् । प्रहरीले दिएको जानकारी अनुसार ६६ बर्षीय युकी मुराकामी संगै नाकानो प्रहरी चौकीका सहायक निरिक्षक ४६ बर्षीय योसिकी तामाइ, निरीक्षक प्रबन्धक ताकुओ इकेउचि सहित ४ जनाको मृत्यु भएको हो ।

अभियुक्तका छिमेकीहरुले मृतक मुराकामीको परिवार र नाकानो सिटी काउन्सिलका अध्यक्ष आओकीको परिवार बीच कुनै समस्या भएको आफुलाई थाहा नभएकाले यस्तो घटना घट्दा आफुहरु अचम्बित भएको बताएका छन् ।

घटना पछि पक्राउ परेका अभियुक्तले घटना आफुले घटाएको स्वीकार गरेका छन्। घटनाबारे थप अनुसन्धान भैरहेको प्रहरीले उल्लेख गरेको छ । घटनामा परी २ प्रहरी सहित ४ जनाको मृत्यु भएको थियो ।