सामग्री खोज्नुहोस्

काठमाडौं । कीर्तिपुरस्थित त्रिवि क्रिकेट खेल मैदानमा जारी एसीसी प्रिमियर कप प्रतियोगितामा मलेसियाले नेपाललाइ २३६ रनको लक्ष दिएको छ ।

टस जितेर पहिले ब्याटिङ्गको रोजेको मलेसियाले ९ विकेट गुमाउदै पुरा ओभर खेलेर २३५ रन जोड्न सफल भएको हो । नेपालका लागि सन्दीप लामिछाने र सोमपाल कामीले ३ विकेट लिए । मलेसिया मध्यम स्कोरमा समेटिएको हो ।

मलेसियाका लागि कप्तान फैजले सर्वाधिक ७६ रन जोडे । उनले आउट हुनुअघि, ओपनर विरन्दीपसँग १ सय १६ रनको साझेदारि गर्दै ९५ बल खेलेर ८ चौका र १ छक्का प्रहार गरे । विरन्दीप ९४ बल खेल्दै २ चौकाको मद्दतमा ४६ रन बनाएर आउट भए ।

ओपनर मोहमद अमिर १८ बलमा ३ चौका प्रहार गर्दै १७ रन जोडेर पभेलियन फर्किएका थिए । सायद अजिज १३ रन बनाएर सोमपाल कामीको बलमा क्याच आउट हुँदा खिजार हायात २२ रनमा आउट भए ।

नेपालको बलिङमा सोमपाल कामी र सन्दीप लामिछानेले तीन–तीन विकेट लिए । सन्दीपले १० ओभरमा १ मेडन राख्दै ४८ रन खर्चिए । भने, सोमपालले आफ्नो स्पेलको ९ ओभर फाल्दै ४० रन खर्चिए। यस्तै, ललीत राजवंशीले दुई विकेट लिँदा गुलसन झाले एक विकेट लिए ।

मुलपानी मैदानमा जारी अर्को खेलमा सिंगापुरले हङकङलाई ४२.१ ओभरमा अलआउट हुँदै १ सय ७५ रनको लक्ष्य दिएको छ ।

नेपाल प्रेसबाट