सामग्री खोज्नुहोस्

टोकियो । जापानका प्रधानमन्त्री किसिदा फुमिओले एक चुनावी आम सभालाई सम्बोधन गर्नका लागि तयार पारिएको स्टेज नजिकै ठुलो बिष्फोट भएको छ।

वाकायामा प्रिफेक्चरको वाकायामा सहरमा आयोजित चुनावी सभालाई सम्बोधन गर्नुपूर्व सोही स्थानमा बिष्फोट भएको जापानका संचार माध्यमहरुले जनाएका छन् । सभालाई सम्बोधन गर्नुपूर्व किसिदाले एक बन्दरगाहको निरीक्षण गरीरहेका बेला उनले भाषण गर्ने स्थानमा बिष्फोट भएको समाचारमा उल्लेख गरिएको छ ।

घटना पछि प्रधानमन्त्री किसिदालाई सुरक्षित स्थानमा लगिएको र उनलाई कुनै चोटपटक नलागेको सुरक्षा अधिकारीहरुले जनाएका छन् । अहिले सम्मको विवरण अनुसार उक्त बिस्फोटबाट कुनै क्षेती पुगेको छैन ।

बिस्फोट लगत्तै अधिकारीहरुले एक युवकलाइ नियन्त्रणमा लिएका छन् । यो समाचार तयार पार्दा सम्म अभियुक्त बारे प्रहरीले केही खुलाएको छैन ।