सामग्री खोज्नुहोस्

टोकियो । नेपालमा प्लस टु सकेर जापानमा भाषा अध्ययनका लागि गर्न आउने बिद्यार्थीहरुले अब एनओसी नपाउने भएका छन् । नेपाल सरकारले शिक्षा ऐन संसोधन गर्दै भाषा अध्ययन गर्न विदेश जाने बिद्यार्थीहरुलाई एनओसी प्रदान नगर्ने व्यवस्था गरेपछि अध्ययनका लागि जापान आउने तयारीमा रहेका बिद्यार्थीहरुले पनि शिक्षा मन्त्रालयबाट एनओसी नपाउने भएका हुन् ।

सरकारले कक्षा १२ सकेपछि डिप्लोमा या डिप्लोमा गर्नुअघि ब्रिजकोर्षका लागि विदेश जाने बिद्यार्थीहरुका लागि एनओसी जारी नगर्ने गरी शिक्षा ऐनमा संसोधन गरेको हो ।

यसअघि भाषा अध्ययनका लागि जापान आउने बिद्यार्थीहरुले पनि एनओसी पाउँदै आएका थिए । तर अब भाषा पनि डिग्री सम्बन्धित अर्थात शैक्षिक कार्यक्रमसँग जोडिएको भए मात्रै पाउने भएका छन् ।

जापानमा स्नातक अध्ययन गर्नका लागि पनि निश्चित समय भाषा अध्ययन गर्नुपर्ने भएकाले त्यसमा समस्या नहुने शिक्षा मन्त्रालयले जनाएको छ । मन्त्रालयका अनुसार गत आर्थिक वर्षमा डिप्लो तह अध्ययन गर्न जानेहरु ८ हजार ६१०, भाषा पढ्न जानेहरु ६ हजार ६०४ ले एनओसी लिएका थिए ।

सरकारको नया नीति संगै सुचिकृत विश्व बिद्यालय, शैक्षिक संस्था या सुचिकृत शैक्षिक कार्यक्रमका लागि मात्रै एनओसी प्रदान हुनेछ । सरकारले कन्सल्टेन्सीहरुको भूमिका संकुचित बनाउँदै शाखामा सूचीकृत भएका विश्वविद्यालय, शैक्षिक संस्था, शैक्षिक कार्यक्रमका लागि मात्रै एनओसी जारी गर्ने भएको हो ।

अनलाइन खबरको सहयोगमा