सामग्री खोज्नुहोस्

एजेन्सी । चिनियाँ राष्ट्रपति सी जिंग पिंग रुसको राजधानी मस्को पुगेका छन् । मस्को पुगेसंगै सी र रुसी राष्ट्रपति अनौपचारिक रात्रीभोजमा भेट हुनेछन । रुसले युक्रेन माथि आक्रमण थालेपछि सी को यो पहिलो रुस भ्रमण हो ।

उनीहरुबीच २१ तारिख शिखर वार्ता हुने तय भएको छ । उक्त शिखर वार्तामा अमेरिकासँगको रणनीतिक सम्बन्धलाई कसरी अघि बढाउने भन्ने बिषयमा छलफल हुन सक्ने अन्तराष्ट्रिय संचार माध्यमहरुले जनाएका छन् ।

रुसको भ्रमण गर्नुअघि राष्ट्रपति सीले रुसी सञ्चारमाध्यममा एउटा लेख लेख्दै दुई देशको विकास र पुनरुत्थानमा ध्यान केन्द्रित हुनुपर्ने धारणा ब्यक्त गर्दै आर्थिक सहयोग र जनताबीचको सम्बन्ध मजबुद बनाउन रचनात्मक भूमिका खेल्नु पर्ने बताएका थिए ।

‘हामीले अन्तर्राष्ट्रिय परिस्थितिलगायत दुवै देशसँग सम्बन्धित सबैभन्दा महत्त्वपूर्ण र संवेदनशील विषयमा छलफल गर्नेछौं।’ रुसी राष्ट्रपतिको कार्यालयका सहायक उशाकोभले भनेका छन् ‘यो भ्रमणको क्रममा विचारको सार्थक आदानप्रदान सबैभन्दा महत्त्वपूर्ण बिषय हो र हुनेछ ।’