सामग्री खोज्नुहोस्

रोयटर्स । इक्वेडर र उत्तरी पेरुको तटीय क्षेत्रमा शक्तिशाली भुकम्प गएको छ । भूकम्पमा परी हाल सम्म १४ जनाको मृत्यु भएको र हताहतिको संख्या बढ्न सक्ने अधिकारीहरुलाई उद्दृत गर्दै रोयटर्सले समाचार छापेको छ ।

भूकम्पका कारण धेरै घर, विद्यालय र अस्पतालका संरचनामा क्षति पुगेको छ। अमेरिकी भूगर्भ सर्वेक्षण (USGS) ले ६.८ म्याग्निच्युड मापन गरेको भूकम्प गुयास प्रान्तको बालाओ शहरबाट १० किलोमिटर टाढा र ६६.४ किलोमिटर गहिराइमा गएको थियो।

भूकम्पका कारण सुनामीको खतरा भने नरहेको रोयटर्सले जनाएको छ । इक्वेडरका राष्ट्रपति गुइलेर्मो लासोले भूकम्पको क्षतिबारे अध्ययन भैरहेको बताएका छन् । उनले नागरिकलाइ हतास नहुन आग्रह गर्दै ट्वीटरमा लेखेका छन् ‘भूकम्पको क्षेती पुष्टि गर्ने काम भैरहेको छ, म तपाईहरु संगै छु, पीडितहरु संगै छु र समयमै उद्दारका लागि प्रतिबद्द छु।’

राष्ट्रपतिको सञ्चार एजेन्सीले भूकम्पमा १४ जनाको ज्यान गएको र ३८० जनाभन्दा बढी घाइते भएको बताएको छ । भूकम्पले एल ओरो प्रान्तमा बढी क्षति पुगेको पनि समाचारमा जनाइएको छ ।

समाचार एजेन्सीहरुका अनुसार कम्तिमा ४४ घर ध्वस्त भएको र ९० बढी घरमा क्षति पुगेको छ । भूकम्पका कारण पहिरो खस्दा करिब ५० शैक्षिक भवन र ३० भन्दा बढी स्वास्थ्य केन्द्र पनि प्रभावित भएको रोयटर्सले जनाएको छ ।