सामग्री खोज्नुहोस्

पाकिस्तान । पाकिस्तानका पूर्व प्रधानमन्त्री इमरान खानले आफू पक्राउ परेमा पार्टीको नेतृत्व गर्न एउटा समिति गठन गरेका छन । अदालतले पक्राउ पुर्जी जारी गरिसकेकाले जुनसुकै समय पक्राउ पर्न सक्ने भन्दै पार्टीको नेतृत्व गर्न समिति गठन गरेका हुन् ।

खान गत वर्ष सत्ताबाट हटाएपछि देशव्यापी रुपमा भैरहेका विरोध प्रदर्शनको नेतृत्व गरेको भन्दै उनीविरुद्ध मुद्दा दर्ता भएका छन्। मंगलबार पनि उनलाई पक्राउ गर्ने प्रयास प्रहरीको थियो तर पक्राउ गर्न प्रहरी असफल भयो । पक्राउ गर्न खोज्दा केही बेर उनका पार्टीका कार्यकर्तासँग झडप समेत भएको थियो ।

खान विरुद्ध अदालतमा ९४ वटा मुद्दा परेको उनी आफैले पुष्टि गरेका छन् । नोभेम्बरमा चुनावी प्रचारका क्रममा गोली लागेर घाइते भएका खानले आफ्नो ज्यानलाई पहिलेभन्दा धेरै खतरा रहेको बताइरहेको रोयटर्सले समाचारमा उल्लेख गरेको छ ।