सामग्री खोज्नुहोस्

एजेन्सी । चीनका राष्ट्रपति सी जिंग पिङ्ग रसिया जाने भएका छन् । चीनको विदेश मत्रालयले दिएको जानकारी अनुसार उनी आगामी २० तारिख देखि रसियाको भ्रमणमा जान लागेका हुन् ।

रसियामा रहंदा सीले रुसी राष्ट्रपति भलादिभिर पुटिन संग भेटघाट र छलफल गर्ने चिनिया संचार माध्यमहरुले जनाएका छन् । रुस- युक्रेन युद्द सुरु भएपछी चिनिया राष्ट्रपति सीले पहिलो पटक रुसको भ्रमण गर्न लागेका हुन् ।

रुसले युक्रेन माथि आक्रमण सुरु गरेपछि पश्चिमा मुलुकहरुले रुसको आलोचना गरिरहेका छन् । कतिपय देशहरुले रुसले अन्तराष्ट्रिय कानूनको उल्लघन गरेको भन्दै युक्रेनलाइ शैन्य सहयोग गरहेका बेला चिनिया राष्ट्रपतिको रसिया भ्रमणलाइ लिएर विश्व राजनीति तरंगित भएको छ ।

केही दिन अघि मात्रै अमेरिकी ड्रोन रुसी लडाकु बिमानसंग ठोकीएर खसेको थियो । रुसले योजनाबद्द तरिकाले आफ्नो ड्रोन खसालेको आरोप अमेरिकाले लगाउदै आएको छ भने रुसले अमेरिकाको आरोपलाई अस्विकार गरिरहेको छ ।

अमेरिकाले केही समय अघि चिनिया पक्षले उडाएको ब्यालुन खसालेको थियो । अमेरिकाले त्यसलाई जासुस गर्न उडाइएको भनेको छ भने चीनले मौसमको अध्ययनका लागि उक्त ब्यालुन उडाएको जिकिर गर्दै आइरहेको छ ।

ब्यालुन प्रकरणमा वासिंगटन डिसि र बेइजिङ्ग अनि ड्रोन प्रकरणमा मस्को र वासिंगटन आरोप प्रत्यारोप चलिरहेका बेला ठिक यसै समयमा सी रुस भ्रमणमा निस्कने तयारी गर्नुलाई अन्तराष्ट्रिय संचार माध्यमहरुले ‘महत्वपूर्ण’ भनेका छन् ।