सामग्री खोज्नुहोस्

जापान । माइनम्बर कार्ड बनाएर केही प्रक्रिया पुरा गरेपछि नागरिकलाई उपलब्ध गराउदै आएको पोइण्ट लिने अबधी मे महिना सम्म थप गरिएको छ ।

जापान सरकारको अनलाइन पब्लिकेसनले दिएको जानकारी अनुसार माइ नम्बर कार्ड बनाए पछि बिभिन्न्न शिर्षकमा प्रदान गरीदै आएको पोइण्टको अबधी थप गर्दै मे महिनाको अन्त्य सम्म पुर्र्याएको हो ।

अर्को वर्ष देखि बिमा कार्डका रुपमा प्रयोग गर्ने तयारी गरेको जापानले नया माइ नम्बर कार्ड बनाउनेहरुलाई ५ हजार, सोही कार्डलाइ बिमा कार्डका रुपमा प्रयोग गर्न आबेदन दिनेलाई ७ हजार ५०० र सरकारी स्तरबाट प्रदान गरिने राहत लगायतको रकम प्राप्त गर्ने बैंक खाता रजिस्टर गरेको ७ हजार ५०० गरी बढीमा २० हजार पोइण्ट प्रदान गर्दै आइरहेको छ ।

माथि उल्लेखित पोइण्ट प्राप्त गर्नका लागि फेब्रुअरी महिनाको अन्त्य सम्ममा माइनम्बर कार्डका लागि आबेदन दिनुपर्ने सुचनामा उल्लेख गरिएको छ ।

‘फेब्रुअरी पछि माइ नम्बर कार्डका लागि आबेदन दिएकाहरुका हकमा पोइण्ट प्राप्त हुदैन’ सरकारी पब्लिक अनलाइनमा भनिएको छ ‘यदि फेब्रुअरी महिना सम्म कार्डका लागि आबेदन दिएर मे महिनाको अन्त्य सम्म प्रक्रिया पुरा गरेमा पोइण्ट प्रदान गरिने हो ।’