सामग्री खोज्नुहोस्

काठमाडौ । आईसीसी विश्वकप लिग २ शृङ्खलाको अहिले त्रिबि खेल मैदानमा भैरहेको खेलमा नेपालले ३११ रनको कीर्तिमानी लक्ष्य पच्छाउदै मैदानमा उत्रिएको छ। यूएइले दिएको ३११ को लक्ष पच्छाएको नेपालले यो समाचार तयार पार्दा सम्म ३ विकेट गुमाएर ५२ रन जोड्न सफल भएको छ ।

यूएईका आसिफ खानले बिष्फोटक ब्याटिङ्ग गर्दै शतक प्रहार गरे । उनले ४२ बलमा ११ छक्का र ४ चौकाको मद्दतमा अविजित १०१ रन बनाए । भृत्य अर्विन्ददे १ सय ३८ बलमा २ छक्का र ८ चौकाको मद्दतमा ९४ रन बनाएर आउट हुँदा शतक बनाउन चुके । रोहन मुस्तफाले २० रन योगदान गरे ।

यूएईको स्कोर मजबुत बनाउन तीन ब्याटरले उत्कृष्ट प्रदर्शन गरे । ओपनर आर्यान लाक्रा ६ रनमा बोल्ड आउँछ हुँदा कप्तान मोहमद वासिमले दोस्रो विकेटका लागि ७९ रनको साझेदारी गर्दै ६३ रनमा आउट भए । वासिमले सन्दीप लामिछानेको बलमा एलबीडब्लू आउट हुनुअघि, ४९ बल खेल्दै २ चौका र ६ छक्का प्रहार गरे ।

अहिले सम्मको खेलमा नेपालले क्याप्टेन रोहित पौडेल सहित कुशल मल्ल र आशिफ शेखलाइ गुमाइसकेको छ।

नेपाल प्रेसको सहयोगमा