सामग्री खोज्नुहोस्

सोउल । दक्षिण कोरियाको राजधानी सोउलमा महिलाहरुका लागि व्यवस्था गरिएको पार्किङ्ग हटाइने भएको छ । कोरियाले महिलाहरुको सुरक्षाका लागि भन्दै सन् २००९ बाट छुट्टै पार्किङ्गको व्यवस्था गरेको थियो ।

दक्षिण कोरियाको सबै भन्दा ठुलो शहर मानिने सोउलमा ३० भन्दा बढी स्थानमा भएका १६ हजार ६४० सार्वजनिक पार्कहरु मध्ये २ हजार पार्क महिलाहरुका लागि आरक्षण गरिएको थियो ।

सरकारको पछिल्लो कदको महिला अधिकारकर्मीहरुले भने बिरोध गरेका छन् । कोरियाली महिला संघका ओह क्युङ-जिनले महिलाहरुका लागि छुटाइएका पार्कहरु हटाउने सरकारको निर्णयले महिलाहरु माथि अन्याय भएको बताइन ।

‘सरकारले महिला बिरोधी नीतिहरु अघि बढाउन खोजिरहेको छ, अब हामी यस्ता नीतिहरुको प्रतिवाद गर्दछौ ।’ बिबिसी संग उनले भनेकी छिन । महिलाहरुका लागि छुट्टै पार्किङ्गको व्यवस्था गर्दा उनीहरुले सुरक्षित महसुस गरिरहेको उनको भनाइ छ ।

बर्तमान सरकारले विद्यालयको नैतिक पाठ्यक्रमबाट ‘लैङ्गिक समानता’ शब्द हटाएको छ भने लैङ्गिक समानता मन्त्रालय पनि बन्द गर्न खोजिरहेको बिबिसीले जनाएको छ । सरकारी अधिकारीहरुले भने महिलाहरुका लागि पार्किङ्ग आरक्षण दिनुनै विभेद भएको तर्क गर्दै यसले लैंगिंक समानताका लागि सहयोग गर्ने दाबी गर्दै आएका छन् ।