सामग्री खोज्नुहोस्

टोकियो । बिदेशी कोषमा लगानी गरेमा ४ प्रतिशत लाभांश पाउने प्रलोभन देखाई सर्बसाधारण संग रकम असुल गरेको आरोपमा टोकियोमा रहेको एक कम्पनीका मालिक सहित ८ जनालाई प्रहरीले पक्राउ गरेको छ ।

टोकियो स्थित FRich Quest नामक कम्पनीका संचालक कोटा मोरिनो सहितको समुहले २० देखि ३० वर्ष उमेर समुहका व्यक्तिहरुलाई लक्षित गरि ठगि गर्ने गरेको अभियोगमा पक्राउ गरिएको प्रहरीले बताएको छ ।

उनीहरुले पूर्बी अफ्रिकी मुलुक सेशेल्समा रहेको हेस कोषमा लगानी गरे प्रत्येक महिना ४ प्रतिशतका दरले लाभांश प्राप्त हुने भन्दै करिब २० अर्ब यन संकलन गरेको प्रहरीलाई उदृत गर्दै एनएचकेले समाचार प्रकाशन गरेको छ ।

लगानी गरिएको सबै रकम हेज कोषमा हस्तान्तरण गरिने र त्यसको ३० प्रतिशत FX (Foreign Exchange Market) मा लागानी गर्ने र ७० प्रतिशत बिमा तथा उत्पादकत्व क्षेत्रमा लगानी गर्ने भन्दै सर्बसाधारण बाट मोटो रकम संकलन गरिएको बताइएको छ ।

सर्बसाधारण बाट उठाएको रकम उक्त कोषमा पठाएको प्रमाण नभेटिएको प्रहरी अनुसन्धानबाट पुष्टि भएको छ । अभियुक्तहरुले देशभरका झन्डै ३ हजार युवायुवतीहरु बाट रकम ठगि गरेको प्रहरीले जनाएको छ ।