सामग्री खोज्नुहोस्

जापानले पठायो उद्दार टोली

एजेन्सी । टर्की र सिरियाको सिमावर्ती क्षेत्रमा सोमबार गएको भूकम्पमा परी मृत्यु हुनेको संख्या ४ हजार नाघेको छ ।

सोमबार बिहान टर्कीको गाजिएन्टेप क्षेत्रलाई केन्द्रबिन्दु बनाएर ७.८ म्याग्नेच्युट र सोमबार सांझ फेरी ७. ६ म्याग्नेच्युटको भुकम्प गएको थियो ।

उद्दारकर्ताहरुले दिएको जानकारी अनुसार मंगलवार बिहान सम्म मृतकहरुको संख्या ४ हजार तीन सय बाट उकालो लागेको छ ।

टर्कीको प्रकोप रोकथाम विभागका अधिकारीहरुले दिएको जानकारी अनुसार हाल सम्म टर्कीमा ३ हजार जनाको मृत्यु भएको छ भने १४ हजार भन्दा बढी घाइते भएका छन् ।

टर्कीको ट्रेमोर्स भन्ने स्थानमा भत्किएका ४ हजार ७५८ भवनबाट करिब ८ हजार जनाको उद्दार गरिएको छ ।

त्यस्तै सिरियामा १ हजार ४४४ जनाको मृत्यु भएको सिरियाका अधिकारीहरुले जनाएका छन् । सिरियाको सरकारले संयुक्त राष्ट्रसंघलाइ स्वास्थ्य र खाद्यान्न सामाग्री सहयोग गर्न आग्रह गरेको रोयटर्सले उल्लेख गरेको छ ।

जापानले पठायो उद्दार टोली

टर्की र सिरियामा भूकम्पले ठुलो जनधनको क्षति पुर्र्याएकोम जापानले दुख ब्यक्त गर्दै उद्दारका लागि टोली पठाएको छ ।

जापानको विदेश मन्त्रालयले दिएको जानकारी अनुसार १८ जनाको टोली टोकियोको हानेदा अन्तराष्ट्रिय विमानस्थलबाट टर्कीका लागि प्रस्थान गरेको छ ।

जापानले ७५ जनाको टोली उद्दारका लागि पठाउने तयारी गरेपनि तत्काललाइ १८ जना मात्रै पठाएको हो । उक्त टोली हिजो राती ११ बजे टर्कीका लागि उडेको एनएचकेले जनाएको छ ।

टर्की र सिरियामा उद्दारका लागि अमेरिका, फ्रान्स, इटाली, रसिया, हङकङ्, बेलायत लगायतका देशबाट पनि उद्दारकर्ता पठाउने तयारी भैरहेको समाचारमा उल्लेख गरिएको छ ।

हङकङ्बाट ४० जनाको उद्दार टोली टर्की तर्फ प्रस्थान गरेको जापानको सरकारी संचार सस्था एनएचकेले जनाएको छ ।