सामग्री खोज्नुहोस्

टोकियो । जापानको फुकुओका शहरस्थित एक व्यावसायिक केन्द्रमा दुई जनामाथि छुरा प्रहार गरेको आरोपमा ३० वर्षीय एक पुरुषलाई प्रहरीले पक्राउ गरेको छ।

फुकुओका प्रान्तीय प्रहरीले सोमबार दिएको जानकारीअनुसार आइतोशिमा निवासी नाओया यामागुचीलाई हत्या प्रयासको अभियोगमा नियन्त्रणमा लिइएको हो।

आइतबार भएको घटनामा २० वर्षीया एक महिला र ४० वर्षीया एक पुरुष घाइते भएका थिए।

दुवै जना हाल होसमा रहेको प्रहरीले जनाएको छ। घटनापछि फरार भएका अभियुक्तलाई खोजीपछि पक्राउ गरिएको हो।

घाइते महिला आओकायामा प्रान्तको कुराशिकी निवासी २७ वर्षीया एक निजी कम्पनीकी कर्मचारी हुन् भने घाइते पुरुष फुकुओकाका ४४ वर्षीय कर्मचारी हुन्।

महिला घटनास्थल नजिकै रहेको मिजुहो पे–पे डोम फुकुओकामा आयोजित कार्यक्रममा सहभागी हुन गएकी थिइन्।

पुरुष भने सोही व्यावसायिक केन्द्रभित्र रहेको आइडल समूह एचकेटी–४८ को थिएटरका कर्मचारी हुन्।

पीडित महिलाले आक्रमणकारीलाई नचिनेको बताएकीले प्रहरीले अन्धाधुन्ध आक्रमण भएको हुन सक्ने आशंकामा थप अनुसन्धान गरिरहेको छ।