सामग्री खोज्नुहोस्

एजेन्सी । भियतनाममा निरन्तर परेको भारी वर्षा, बाढी तथा भूस्खलनका कारण एक हप्तामा कम्तीमा ९० जनाले ज्यान गुमाएका छन् ।

धेरै नागरिक अझै छत र पहाडी सडकहरूमा फसिरहेका छन् ।

अक्टोबरको अन्त्यदेखि दक्षिण–मध्य भियतनाम निरन्तर वर्षाको ठूलो प्रभावमा पर्दा लोकप्रिय पर्यटकीय सीमानाका शहरहरूमा बारम्बार बाढी ल्याई करोडौं डलर बराबरको आर्थिक क्षति पुर्‍याएको छ ।​​

तटीय शहर न्हा ट्राङका विस्तृत क्षेत्र डुबानमा परे भने प्रख्यात पर्यटन केन्द्र दा लाट वरिपरिका उच्च भूभागमा घातक भूस्खलन भएको छ ।

डाक लाक प्रान्तका ६१ वर्षीय किसान माच भान सीले बाढीका कारण आफू र आफ्नी श्रीमती दुई रातसम्म छतमा फस्नुपरेको बताए । ‘हाम्रो गाउँ–छिमेक लगभग पूर्ण रूपमा नष्ट भयो, केही पनि बाँकी रहेन । सबै चिहानसम्म ढाकिए,’ उनले भने ।

छतमा चढ्न सफल भएपछि पनि आफूहरू ‘निश्चिन्त नभएको’ उनको भनाइ छ । ‘मलाई लाग्यो, अब त मुक्ति छैन,’ सीले भने ।

नोभेम्बर १६ पछि दर्ता भएका मृतकमध्ये ६० भन्दा धेरै डाक लाक प्रान्तमै रहेका छन् ।