सामग्री खोज्नुहोस्

टोकियो। जापान सरकारले भिषा शुल्क बढाएर ३० हजार भन्दा बढी बनाउने आफ्नो योजना सार्बजनिक गरेको छ।

निक्केइ पत्रिकाले आफ्नो अनलाइन संस्करणमा प्रकाशन गरेको समाचार अनुसार हाल कायम रहेको भिषा शुल्कमा ५० देखि ६० प्रतिशत सम्म बढाउने गरी योजना सार्बजनिक गरेको हो।

भिषा सम्बन्धी कागजात जाँच गर्ने मानव संसाधन खर्च र नयाँ प्रणाली निर्माण गर्ने खर्च धान्न शुल्क वृद्धि आवश्यक भएको भन्दै सरकारले भिषा शुल्क बढाउन लागेको समाचारमा उल्लेख गरिएको छ।

सरकारले भिषा अबधी अनुसार शुल्क तोक्ने बारे समेत छलफल गरिरहको बताइएको छ। ४४ बर्ष पछि सन् २०२५ को अप्रिल महिनामा जापान सरकारले कानून संशोधन गर्दै अप्रिलमा भिषा शुल्क ४ हजार जापानी एन बाट ६ हजार एन बनाएको थियो।

सरकारको नया योजना मुताबिक कानून परिमार्जन भएको खण्डमा भिषाको अबधी अनुसार शुल्क पनि फरक फरक हुन सक्ने सम्भावना बढेको छ। डिजिटलाइजेशन र अवैध बसोबास नियन्त्रण गर्ने उद्देश्य समेत रहेको सरकारले जनाएको समाचारमा उल्लेख गरिहेको छ।

हालको शुल्क विदेशी मुलुकसँग तुलना गर्दा अझै सस्तो भएकाले पनि यसलाई युरोप–अमेरिका जस्ता प्रमुख देशहरू संगको तुलनामा पुर्र्याउन खोजिएको पनि उक्त समाचारमा उल्लेख गरिएको छ।