सामग्री खोज्नुहोस्

टोकियो। नेपाल पत्रकार महासंघ जापान शाखाको छैठौं अधिबेशन यहि महिनाको २३ तारिख जापानको टोकियोमा हुँदैछ।

उक्त अधिबेशनले आगामी तीन बर्षका लागि नया कार्यसमिति समेत चयन गर्नेछ। नया कार्यसमितिको नेतृत्वका लागि हाल सम्म दुइ जनाले आफ्नो दाबी प्रस्तुत गरेका छन्।

वर्तमान कार्यसमितिका उपाध्यक्ष रबिन्द्र श्रेष्ठ र सचिब राजन गौतमले अध्यक्ष पदका लागि दाबी गरेका छन्। ‘अहिलेको कार्यसमितिमा उपाध्यक्ष भएकाले मेरो जाने ठाउनै अध्यक्ष’ श्रेष्ठले भने ‘त्यसैले अध्यक्षमा मेरो स्वाभाविक दाबी हो।’

त्यसैगरी सचिब राजन गौतमले पनि आफु अध्यक्ष पदका लागि तयारी गरिरहेको बताएका छन्। ‘लामो समय देखि पत्रकारितामा सक्रिय रहेको र अहिले सचिब भएर काम गरेको अनुभवका आधारमा मैले अध्यक्ष पदमा दाबी गरेको हुँ’ गौतमले भने।

कार्यसमितिको बैठकले सर्बसहमतिको प्रयासका लागि संस्थापक अध्यक्ष तिलक मल्लको संयोजकत्वमा कार्यदल समेत गठन गरेको छ। कार्यदलमा मल्ल सहित निबर्तमान अध्यक्ष मोहन घले, वर्तमान अध्यक्ष शान्त पहारी र पत्रकार खगराज गौतम रहेका छन्। उक्त कार्यदलले छलफलको प्रयास गरेपनि ठोस निष्कर्ष निस्कन सकेको छैन।