सामग्री खोज्नुहोस्

टोकियो । जापानको चिवामा ‘एकीकृत नेपाली घरः बहुसांस्कृतिक केन्द्र’ बनाउन सहयोग जुटाउने उद्देश्यले ‘टोकियो सप्ताह ‐२०२५’को आयोजना गरिएको छ ।
गैरआवासीय नेपाली संघ एनआरएनए जापानले आयोजना गरेको सप्ताहमा पण्डित दीनबन्धु पोखरेलले पुराण वाचन गरिरहेका छन् । सप्ताहमा महान बौद्ध गुरु टुल्कु सोनाम गर्वाङ रिम्पोछेले हरेक दिन विहान बौद्धिक विधिद्वारा महायज्ञको सुरुवात गर्दै आएका छन् ।

गत नोभेम्बर ८ तारिख देखि १५ तारिखसम्म हुने सप्ताहमा जापानवासी नेपाली समुदायको उल्लेख्य उपस्थिति रहँदै आएको एनआरएनए जापानका प्रवक्ता रबिन शर्माले बताए । टोकियोसहित ओसाका, नागोया, फुकुओका लगायत क्षेत्रमा बस्ने नेपालीहरु पुराणमा उपस्थित रहेको शर्मा बताउँछन् ।

सप्ताह पुराणमा बुधबारसम्म दाताहरुबाट चार करोड, ८६ लाख, ५० हजार पाँच सय ८० येन रकम संकलन भएको नेपाली घरका परिकल्पनाकार तथा एनआरएनए जापानका निर्वतमान अध्यक्ष नबिन नीउरेले जानकारी दिए । दाताहरुले नगद, चेक, क्रडिट कार्ड तथा अनलाइनबाट दान गरिरहेको एनआरएनए जापानका अध्यक्ष सुभाष लामिछानेले बताए ।

तस्वीरहरु ः मनिषा चम्लागाईँ